Kkooti y’amagye e Gulu eggalidde abajaasi ba UPDF mukaaga (6) mukomera bamaleyo emyezi mukaaga (6) oluvanyuma lw’okukirizza omusango gw’okukuba abantu kibooko mu bitundu bye Amuru ne babatuusaako n’ebisago bwe bali bakwasisa Kafyu mu bitundu ebyo.
Abajaasi kuliko Lance Corporal Constantine Winyi Abor, Privates Muhammad Makanga, John Mack Eboku, Robert Mutenga, Sylvester Ayo ne Emma Ayimbisibwe.
Okusinzira ku mwogezi w’amaggye mu ggwanga Brig. Richard Karemire, Abajaasi balina okwewala okutwalira amateeka mu ngalo wabula okukola buli kimu, okuteeka mu nkola ebiragiro bya Pulezidenti Yoweri Kaguta Museveni mu mateeka.
Pulezidenti Museveni yalagira Abajaasi baakwatibwe oluvanyuma lw’okulaba ebifaananyi by’abantu abaali bakubiddwa emiggo.
Brig. Karemire alabudde bannayuganda okukomya okusomooza abajaasi mu kiseera nga bateeka mu nkola ebiragiro bya Pulezidenti Museveni eby’okutangira Corona Virus okusasaana.
