Omuyimbi Spice Daina ategese olunnaku olw’enkya ku Lwokutaano nga 10, April, 2020 konsati esoose mu byafaayo bya Uganda mu kiseera nga bannayuganda bali mu Kalantini ne Kafyu olwa Corona Virus.

Konsati ya Spice enkya ku ssaawa 3 ez’okumakya etuumiddwa ‘SPICE DIANA QUARANTINE CONCERT’ era asobodde okweyambisa omukutu ogwa Instagram okukowoola abawagizi be okugiraba, “Tomorrow don’t miss SPICE DIANA QUARANTINE CONCERT . FREE ENTRY . 9:00 AM“.

Konsati etegekeddwa 100.2 Galaxy FM okugyako abantu ebirowoozo ebisukkiridde mu kiseera kino ekya Kalantini era olunnaku olw’enkya okuva ku ssaawa 3, Konsati egenda kuba butereevu ku mpewo ne ku mukutu ogwa Face Book mu nkola ya Face Book Live.

Spice agamba nti olunnaku olw’enkya agenda kubeera ‘Live’ ku mukutu gwe ogwa YouTube.