Omuyimbi Eddy Kenzo alaze nti ddala alina talenti y’okuyimba era aggwanidde okuba ekyetunzi mu Uganda.
Mu kiseera kino Kenzo embeera yamukwatira mu ggwanga erya Ivory Coast mu Hotero oluvanyuma lwa Corona Virus okutuuka mu Uganda, Pulezidenti Yoweri Kaguta Museveni naggalawo ensalo n’okuyimiriza ennyonyi zonna ezitambuza abantu okuyingira Uganda.
Wabula ng’ali mu Hotero, afulumizza ekyasi ky’oluyimba olutuumiddwa, “2020(Tweni Tweni)” ku bigenda mu maaso mu nsi yonna.
Wadde omwaka 2020 gwakatambulako emyezi 4, Kenzo alaze nti ye agukooye olw’ebigenda mu maaso mu ggwanga n’okusingira ddala ekirwadde kya Covid-19 ekitandiise okutta abantu.
Mu luyimba, Kenzo era agambye nti omwaka 2020 abantu bali mu Kalantini, tebakyakola kyokka balina kusanyuka busanyusi.
Abawagizi ba Kenzo bagamba nti oluyimba mujjuddemu ebigambo ebiwoomu era akubye Bobi Wine ne Bebe Cool akavulu kuba alaze kye bayita talenti.
