Omusirikale w’ekitongole kya makkomera essasi omu ku basibe mu kkomera lya Gavumenti erya Kigumba mu disitulikiti y’e Kiryandongo.
Paul Ssenyonjo yattiddwa akawungeezi k’olunnaku olweggulo ku ssaawa 10 bwe yabadde agezaako okudduka.
Ssenyonjo abadde ku misango gya kubba nte ate banne 4 okuli Jonan Agasa, Rogers Nowa, Godfrey Bakowa ne Christopher Tumwesige baakwattiddwa.
Frank Baine omwogezi w’ekitongole ky’amakkomera agambye nti abasibe babuuse ekikomera okutoloka, ekyavuddeko omukuumi w’ekkomera okukuba amasasi mu bbanga kyokka ekyembi Ssenyonjo gaamukutte ne gamuttirawo.
Kinnajjukirwa nti ku ntandikwa y’omwezi guno Ogwokuna, 2010, abasibe basatu (3) mu kkomera lya Gavumenti erya Arua battibwa bwe baali bagezaako okutoloka.
