Poliisi ekutte abantu 32 mu zzooni y’e Kisalosalo e Kyebando ku misango gy’okugyemera ebiragiro bya Pulezidenti Yoweri Kaguta Museveni eby’okutangira ekirwadde kya Covid-19 ekisaasanyizibwa akawuka ka Corona Virus okusasaana.
Okusinzira kw’akulira Poliisi y’e Kyebando Dickson Ambikiire, abakwate baasangiddwa nga bali mu kunywa mwenge mu bbaala ez’enjawulo ekika kya Malwa n’enjaga mu zzooni ya Kisalonsalo.
Mu kiseera kino abakwate bali ku Poliisi y’e Kira ku misango gy’okugyemera Pulezidenti Museveni.
Ambikiire era agamba nti okunoonyereza kulaga nti mu bitundu bye Kisalonsalo, ebbaala zikola bulungi n’okusingira ddala emisana era abasirikale basindikiddwayo mu bungi okukwata abantu bonna abalina emputtu.
Uganda mu kiseera kino erina abalwadde ba Covid-19, 50 oluvanyuma lwa Minisitule y’ebyobulamu okusibuula abamu kubabadde abalwadde akawungeezi k’olunnaku olw’eggulo ku Lwomukaaga mu ddwaaliro Entebbe.
