E Kitubulu ku lwe Ntebbe mu disitulikiti y’e Wakiso abangi webamanyi nga ku Ssesse Gate way mu Town Council y’e Katabi abazimbi abasoba 20 basimatuuse okufa ekizimbe kyebabadde bayiwa enkokoto ku mwaliiro ogw’okubiri bwe kigudde.
Ekizimbe kigudde akawungeezi ka leero ku ssaawa 8 ez’amalya g’ekyemisana era kigambibwa ebadde Hotero ezimbibwa omugagga Bajju omu ku bagagga mu ggwanga.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, ekizimbe kibadde kizimbibwa aba Mita Construction Limited era bwekigudde, abantu 5 balumiziddwa.
Owoyesigyire agamba nti abalwadde batwaliddwa mu ddwaaliro Entebbe nga tebali mu mbeera mbi nnyo kyokka ekirungi tewali muntu yenna afudde.
