Mu kiseera nga bangi ku bannayuganda betaaga obuyambi bwa mmere, olunnaku olwaleero tukuletedde ‘List’ y’abayimbi abakavaayo okuyamba abantu.
Bannayuganda bali mu Kalantini ne Kafyu ng’emu ku ngeri y’okutangira ekirwadde ki Kolona okusasaana nga mu kiseera kino Uganda yakazuula abalwadde 61, 38 basiibuddwa mu ddwaaliro nga bajanjabiddwa bulungi.
Abayimbi abakavaayo okuwa abantu emmere kuli Bebe Cool, Bobi Wine, Spice Diana, Mesach Semakula, Eddy Kenzo ne Lil Pazo.
Bebe Cool. Olunnaku olw’eggulo ku Lwokubiri yatwalidde Minisitule y’ebyobulamu ensawo 900 ez’akawunga n’ebijanjalo.
Ensawo 500 z’abalwadde aba kafuba, 200 ba DJ ssaako ne bannamawulire ensawo 200.
Bobi Wine. Mu Uganda ye mukulembeze w’ekisinde ki People Power era y’omu ku basooka okuvaayo, okutwala obuyambi bwe mmere eri akakiiko ka Task Force. Wadde yatwala emmere ng’omukulembeze wa People Power era ng’omubaka we Kyadondo East, ye ng’omuyimbi tannaba kuvaayo.
Spice Diana. Spice mu kiseera kino ng’abantu banoonya eky’okulya, asobodde okuwa abaana ba Triplets Ghetto Kids emmere ssaako n’okuddukirira omuyimbi omuto Felista Di Super Star.
Mesach Semakula. Okusinzira ku DJ Nimrod, Semakula yawadde ba DJ kkiro z’akawunga 100.
Eddy Kenzo. Kenzo wadde embeera yamukwatira mu ggwanga erya Ivory Coast, yasuubiza okuwa ba DJ shs 1,000,000/= okufuna eky’okulya mu kiseera kino ekya Kalantini.
Lil Pazo. Pazo wadde tali mu mbeera nungi mu by’ensimbi, yawadde Minisitule y’ebyobulamu akawunga kkiro 80 okuwa abantu abali mu bwetaavu.
