Omuyimbi Eddy Kenzo akirizza nti omuntu asobya wadde ssereebu.
Kenzo mu kiseera kino ali mu ggwanga erya Ivory Coast oluvanyuma lwa Pulezidenti Yoweri Kaguta Museveni okuggala ensalo n’okuyimiriza ennyonyi ezitambuza abantu ng’emu ku ngeri y’okutangira ekirwadde kya Kolona okusasaana mu Uganda.
Wabula nga wasigadde ssaawa mbale okutandiika ekisiibo kya Ramadhan ekitandika olunnaku olwenkya ku Lwokutaano, Kenzo asazeewo okwetondera abantu bonna beyali alumizza.
Kenzo asobodde okweyambisa omukutu ogwa Instagram okwetondera buli muntu gwe yali alumizza mu bulamu bwe, “I wanna be the first one to beg forgiveness before Ramadan arrives Sorry for all that caused pain in your heart because of me. Sorry if you cried anyday because of me. Sorry if you heard anything from anyone else. Sorry if I once hurt you knowingly or unknowingly. Ramadan is approaching. It’s better“.
Ebigambo bya Kenzo biraga nti yetondedde n’eyali mukyala we Rema Namakula oluvanyuma lw’okumulumya ng’amusudde mu nju ekyamuwalirizza okufuna omusajja omulala Dr. Hamzah Ssebunya gwe yatwala mu bazadde nga 14, November, 2019.
Rema yalumwa nnyo olwa Kenzo okumwefuulira namusuula mu nju kyokka Kenzo asobodde okweyambisa omukisa guno ng’ekisiibo tekinnatandika okwetonda kuba naye alaga nti ng’omuntu omulala yenna asobya.
