Waliwo Famire etabukidde Poliisi y’e Luweero, olw’okusiba omuntu waabwe, okusuuka omwezi omulamba, nga tewali kumutwala mu kkooti.
Omusomesa Jeremiah Ssendege akulira ekibiina ekigatta abakulira amasomera mu disitulikiti y’e Luweero ekya Luweero District Head Teacher’s Association yakwattibwa nga 19 omwezi oguwedde Ogwokusatu, ku misango gy’okusobya ku muyizi ali mu gy’obukulu 17.
Ssendege yakwattibwa okuva ku ssomero erya Tweyanze Church of Uganda Primary School era bukya akwattibwa, ali ku kitebe kya Poliisi e Luweero.
Kigambibwa, yasobya ku muyizi bwe yali atumiddwa mu makaage, okukimayo ebiwandiiko by’essomero.
Okusinzira kw’addumira Poliisi y’e Luweero Abraham Tukundane, famire y’omwana ensonga ezikutte kasoobo okuwa Poliisi amawulire ageetagisa, okutwala Ssendege mu kkooti.
DPC Tukundane agamba nti famire y’omwana, yawa Poliisi ebiwandiiko ebyasooka ebiraga nti omwana yazaalibwa nga 28, January, 2002, ekiraga nti aweza 18 ate oluvanyuma ne baleeta ebiwandiiko ebirala ebiraga nti yazaalibwa nga 28, october, 2003, ekiraga nti emyaka giri ku 17.
Poliisi egamba nti ekyanoonyereza era singa bafundikira, Ssendege bakumutwala mu kkooti.
Wabula aba famire ssaako n’abasomesa bagamba nti, omuntu waabwe okumukuumira ku Poliisi, okusukka essaawa 48 kimenya mateeka.
