Poliisi y’e Entebbe ekutte omukyala ku by’okubba eddagala mu ddwaaliro e Kisubi.
Omukyala Stella Mulobole, yakwattiddwa nga ku ddwaaliro e Kisubi abadde akola gwa kulongoosa ddwaaliro nga bba yamwekengedde, namuloopa ku Poliisi.
Poliisi yasitukiddemu era mu kwekebejja amaka gaabwe ku kyalo Kawuku mu Tawuni Kanso y’e Katabi, eddagala lisangiddwamu omuli empiso, ggiravuzi n’ebirala nga lya bukadde bwa ssente.
Okusinzira ku sitetimenti ya bba ku Poliisi, mukyala we akulungudde emyaka egisukka mwe 2 nga buli lunnaku, akomawo ne bokisi y’eddagala ng’alitunda mu Kampala.
Akulira eddwaaliro lye Kisubi Elizabeth Nalumansi, agambye nti omukyala kirabika eddagala abadde liba ku balwadde wabula asabye Poliisi okunoonyereza okuzuula gy’abadde alitunda n’engeri gy’abadde alifulumyamu.
Akulira Poliisi y’e Kisubi Moses Lugudo, agambye nti omukyala Mulobole akirizza okuba eddagala asabye okusonyiyibwa.
Wabula abamu ku batuuze abagaanye okwatuukiriza amannya gaabwe bagambye nti omukyala okulemesa bba okuddamu okugikwatako mu kiseera kino ekya Kalantini y’emu ku nsonga lwaki yavudde mu mbeera natwala ku Poliisi ku by’okubba eddagala.
