Aba Crown Beverages Limited bazzeemu okuddukirira abantu abali mu bwetaavu mu kiseera kino oluvanyuma lw’omukulembeze w’eggwanga Yoweri Kaguta Museveni okuteekawo Kalantini ne Kafyu ng’emu ku ngeri y’okutangira akawuka ka Corona Virus okusasaana.
Mu kusooka aba Crown Beverages Limited nga bali wamu ne PepsiCo foundation bawaayo obukadde 760 n’emmotoka empya ekika kya Double Cabin 4 okuyambako mu kulwanyisa Kolona mu ggwanga.
Wabula mu kiseera kino nga bangi ku bannayuganda bakyetaaga obuyambi, aba PepsiCo foundation bazzeemu okuyamba abantu era baweddeyo emmere ya kawunga eri mu bukadde bw’ensimbi okuddukirira abantu mu bitundu by’eggwanga eby’enjawulo.
Ku ttani z’akawunga eziwereddwayo, buli kasawo bataddemu kkiro z’akawunga 6 era ab’ekitongole kya Uganda Red Cross bawereddwa omulimu okunoonya abantu abali mu bwetaavu, okuyambibwa n’emmere.
