Abantu 4 balumiziddwa mu kiro, ekikeseza olwaleero, nga kivudde ku muliro ogukutte emu ku Ttenti mu Lusanja ku batuuze abali ku ttaka, erigambibwa nti lya mugagga Medard Kiconco.
Kigambibwa emu ku ttenti omusula abantu abaali basenguddwa, yakutte omuliro nga kivudde ku tadooba eyalekeddwa ng’eyaka ku ssaawa nga 6 ez’ekiro.
Abalumiziddwa kuliko ssemaka Fred Nyanzi, mukyala we Fatumah Nabugolola n’abaana 2 era bonna batwaliddwa mu ddwaaliro e Kiruddu nga bataawa.
Poliisi ekubiriza abantu okuteeka eriiso ejjogi ku kintu kyonna ekiyinza okuvaako omuliro omuli emisubaawa ssaako n’esigiri.
