Kyaddaki Omuyimbi Geosteady alaze nti wadde musajja mufumbo, naye alina omuyimbi omukyala gwe yegoomba mu bulamu bwe.

Mu Uganda, Geosteady y’omu ku bayimbi abasajja abayimba obulungi olw’eddoboozi lye era ezimu ku nnyimba ezimutunze ennyo mu Uganda n’emitala w’amayanja kuliko Owooma, Ebisembayo, Wakyuka,Tokendeeza, Ndiwamululu, Viola n’endala.

Sabiti eno, omuyimbi Sheebah Kalungi yatadde ekifaananyi kye ku Instagram era Geosteady y’omu ku basajja abasoose okubaako ne kyeboogera olw’omubiri.

Ku kifaananyi ekyo, Geosteady kweyasinzidde okutegeeza nti Sheebah amwagala nnyo ku mutimba gwe”I love this sis“.

Ebigambo bya Laavu wakati wa Geosteady ne Sheebah biraga nti tewali kitasoboka singa Omutonzi akoonamu sitampu.