Omuyimbi munnansi we Nigeria Majekodunmi Fasheke abadde amanyikiddwa nga Majek Fashek afudde enkya ya leero ku myaka 57.
Fashek abadde amanyikiddwa nnyo mu nsi yonna olw’ennyimba ze omuli Send Down the Rain ne So Long for Too Long.
Afudde enkya ya leero era omulambo gusangiddwa mu buliri mu kibuga New York mu ggwanga erya America, Okusinzira ku manejja we Omenka Uzoma.
Ku mukutu ogwa Instagram, Uzoma agambye nti kino ekiseera kya kusanyukira bulamu bwa Fashek wabula si kungubaga, “a time for us all to celebrate his achievements, and not mourn”.
Kigambibwa abadde mulwadde kyokka ekivuddeko okufa kwe enkya ya leero tekimanyiddwa.
