Gavumenti erabudde abasubuuzi abakolera mu zi ‘Arcade’ mu bitundu by’eggwanga eby’enjawulo, obutagezaako kuggula maduuka gaabwe, nga bagamba nti tewali njawulo wakati wa Arcade ssaako ne Mall.
Ku ntandikwa ya sabiti eno, omukulembeze w’eggwanga Yoweri Kaguta Museveni bwe yabadde ayogerako eri ggwanga ku nsonga y’okulwanyisa Covid-19, yakirizza Mall okuziggula kyokka ‘Arcade’ yalagidde okusigala nga nzigale olw’okutangira abantu okung’aana.
Wabula bangi ku basuubuzi, baasigadde bakyebuuza enjawulo wakati Arcade ssaako ne Mall era abamu ku basuubuzi mu Kampala bagamba nti olunnaku olw’enkya, balina okuddamu okutambuza emirimu.
Kati no, Minisita w’ebyobusubuuzi Amelia Kyambadde, alambuludde enjawulo wakati wa Arcade ssaako ne Mall, okuyamba abasuubuzi, abakyasobeddwa okubyawula.
Minisita Amelia agamba nti Mall zibeera ngazi, zirina emiryango ebiri egiyingira n’okufuluma, zibeera n’amaduuka agabangisiddwa omusuubuzi omu, temubeera mujjuzo gw’abantu ate abatembeyi tebakkirizibwamu.
Ate Arcade, bangi ku basuubuzi mu Kampala zebakoleramu, agamba nti zirina omujjuzo gw’abantu, zibeera n’emiryango mungi ddala, ekiyinza okutambuza Kolona.
Eddoboozi lya Amelia
