Poliisi y’e Luweero eri mu kunoonya ddereeva abadde atambuza enjaga okuva mu Monisipaali ya Arua okugitwala mu katale k’e Nakasero mu Kampala.

Enjaga, abadde agitambuliza mu bookisi nga waggulu ateekayo emiyembe ate enjaga nagiteeka wansi mu kiveera ekya kyakiragala.

Ddereeva wadde asobodde okudduka, abadde avuga Fuso namba UAX 949E era agudde kabenje ku kyalo Nakazzi mu katawuni k’e Luweero ku luguudo oluva e Kampala okudda e Gulu.

Okusinzira kw’addumira mu disitulikiti y’e Luweero Abraham Tukundane, Fuso egudde mu luwoonko era Poliisi etandiise okunoonya ddereeva ku misango gy’okutambuza enjaga.

Ekivuddeko akabenje, Poliisi egamba nti ddereeva abadde ali ku misinde nga n’okumuyimiriza okumutegeeza nti bali mu kuddabiriza oluguudo akigaanye.

Ate bo abatuuze, basigadde mu ssanyu nga bangi badduse ne bookisi z’emiyembe nga bali mu kutenda Omutonzi, aleese akabenje ku kyalo kyabwe.

Abatuuze