Poliisi ekutte omusajja myaka 25 ku by’okutta mukwano gwe akawungeezi k’olunnaku olw’eggulo ku Lwokuna nga bali mu kuyigga ensolo z’omu nsiko mu Murchison Falls National Park mu disitulikiti y’e Nwoya.
Joseph Omara, nga mutuuze ku kyalo Olony mu Tawuni Kanso y’e Anaka yakwattiddwa ku by’okutta Richard Olyel omutuuze we Aparanga mu ggombolola y’e Nwoya.
Omara yagaludde effumu okutta ensolo wabula yafumise bbanga era effumu lyakuttemu mukwano gwe Olyel.
Kigambibwa Olyel yafudde olw’omusaayi omungi nga nsiko tebalina bujanjabi.
Okusinzira ku mwogezi wa Poliisi mu bitundu bya Aswa Patrick Jimmy Okema, kumakya omulambo gubadde gukyali mu nsiko gye baamutidde nga bali mu ntekateeka okuggibwayo okutwalibwa mu ddwaaliro okwekebejjebwa.
Mungeri y’emu abasirikale basindikiddwa okukuuma amaka Omara oluvanyuma lw’okufuna amawulire nti famire y’omugenzi eri mu kwetekateeka okulumba okusanyawo amaka g’omuntu eyasse omuntu waabwe.
Omara akwattiddwa ku misango gy’obutemu era okunoonyereza kutandikiddewo.
