Poliisi esse omusajja Fred Galimu myaka 42, abadde omutuuze ku kyalo Kanabi mu ggombolola y’e Bukamba mu disitulikiti y’e Jinja akawungeezi ka leero.
Galimu akubiddwa essasi mu butanwa, Poliisi bw’ebadde egumbulula abatuuze abalumbye amaka g’omutuuze Nenkude Murasi omusawo w’ekinnansi nga bamulumirizza okuloga ekitundu kyabwe.
Abatuuze bakoze effujjo omuli okwokya ennyumba ya Nenkude, okwonoona ebintu n’okwagala okumutta era Poliisi wetuukidde okutaasa ng’embeera etabanguse, abatuuze ne batandika okukuba Poliisi amayinja.
Poliisi mu kwetaasa, ekubye amasasi mu bbanga kyokka mu butanwa erimu likutte Galimu era afiiriddewo.
Michael Kasadha, omwogezi wa Poliisi mu bitundu bye Busoga North, agambye nti Poliisi etandiise okunoonyereza ku nfa ya Galimu.
