Uganda, ezudde abantu 30 abalala nga balina Covid-19 kw’abo 3,758 abaakebeddwa olunnaku olw’eggulo.
Ku balwadde 30, 18 kigambibwa baaliko n’abantu abalwadde ‘contacts”, 4 okuva Amuru, 3 Tororo, 3 Buikwe, 2 Kyankwanzi, 2 Arua ate Buliisa, Wakiso, Kisoro ne Kampala, wasangiddwayo omulwamu omu mu buli disitulikiti.
Abalwadde 5 bazuuliddwa nga baddereeva ku nsalo y’e Elegu ne Busia ate 3 bakozi mu kitongole kye byokwerinda e Luweero.
Mungeri y’emu abasawo 4 bazuuliddwa nga balwadde ne baweza omugatte gw’abasawo abalwadde 22.
Okusinzira ku Dr. Henry Mwebesa akulira eby’obujjanjabi mu minisitule y’ebyobulamu, Uganda mu kiseera kino erina abalwadde 646, nga 103 basiibuddwa malwaliro, tewali muntu yenna yaafudde Kolona.
