Bannayuganda boolekedde okudda ku muggalo olwa balwadde ba Covid-19 abeeyongera buli lunnaku.
Olunnaku olw’eggulo, Minisitule y’ebyobulamu yakebedde abantu 2,677 nga ku bo, abantu 9 bazuuliddwa nga balwadde ne baweza omuwendo gw’abantu 705.
Ku bantu 9 abazuuliddwa nga balwadde, 4 baddereeva ate 5 kigambibwa baaliko n’abantu n’abalwadde “Contants’.
Ku baddereeva 4 abalwadde, 2 baavudde mu South Sudan ku nsalo y’e Elegu nga 2 abalala baavudde Kenya ku nsalo y’e Malaba.
Ate 5 abagambibwa nti baaliko n’abalwadde 2 bagiddwa Tororo mu Kalantini, 1 yagiddwa Amuru, 1 Kyotera n’omulala 1 Ntebbe.
Ate baddereeva 37 abaasangiddwa nga balwadde okuli bannansi ba Kenya 32, Tanzania 1, South Sudan 3 ne Eritrea 1, bonna baziddwayo mu nsi zaabwe.
Okusinzira ku Dr. Henry Mwebesa, akulira eby’obujjanjabi mu minisitule y’ebyobulamu, Uganda mu kiseera kino yakasiibula abantu 299 nga bajanjabiddwa Kolona.
