Omusajja ddereeva munnansi wa Kenya eyasangiddwa ng’afiiridde mu mmotoka mu disitulikiti y’e Busia ku lunnaku Olwomukaaga, akebeddwa nga teyafudde Kolona.
Ddeereeva Samuel Kinywa Wangware, 35 abadde mutuuze we Mathira, e Njeri mu ggwanga erya Kenya, yasangiddwa ng’afiiridde mu tuleera ye e Busitema ku ‘checkpoint’ y’ekitongole ekisolooza omusolo.
Kinywa nga tannafa yabadde ava mu Kampala okudda e Kenya, yategeezeza mikwano gye nti tawulira bulungi okutuusa lwe yasangiddwa ng’afudde mu tuleera ye namba KAT 578T era yagiddwako ‘Sampo’ okumwekebejja oba yafudde Kolona.
Wabula okusinzira ku alizaati ezifulumiziddwa Minisitule y’ebyobulamu, Kinywa oluvanyuma lw’okufa, bamugyeko Sampo za mirundi 2 era zonna ziraga nti yetafudde Kolona.
Minisitule eraze nti atandiise okunoonyereza okuzuula ekituufu ekyavuddeko ddereeva okufa.
