Omubaka we Kyadondo East mu Palamenti Robert Kyagulanyi Ssentamu amanyikiddwa nga Bobi Wine afulumizza oluyimba okuwa ensonga ze lwaki Uganda yetaaga enkyukakyuka mu bukulembeze bw’eggwanga lino.
Bobi Wine asinzidde Wakiso mu lukungana lw’ebibiina okuva ku ludda oluvuganya Gavumenti gye bisinzidde okwegatta mu kuvuganya Gavumenti mu kulonda kwa 2021.
Mu luyimba lwe, anokoddeyo ensonga ez’enjawulo lwaki balina okuggya Pulezidenti Museveni mu buyinza mu 2021 omuli Okwegatta ku lwe nkyukakyuka.
Bobi Wine agamba nti Uganda erina eby’obugagga bingi nnyo kyokka bangi ku bannayuganda baavu nnyo, bakooye Pulezidenti Museveni okutambuza eggwanga nga famire ye era okwegatta y’engeri yokka okufuna enkyukakyuka.
Audio
