Poliisi ekutte omuyimbi Mark Bugembe amanyikiddwa nga Buchaman ku misango gy’okutaataganya olukiiko lw’ekitongole ekivunaanyizibwa okukuuma obutonde bw’ensi mu ggwanga ekya NEMA mu bitundu bye Makindye.
Okusinzira ku mwogezi wa Poliisi mu Kampala n’emirirwano Afande Patrick Onyango, Poliisi ya NEMA ssaako n’abakungu bakedde kwekeneenya engeri abatuuze gye bakoseddwa amazzi ga Lake Victoria mu bitundu bye Makindye kyokka oluvanyuma bayise olukiiko lw’abatuuze abakoseddwa okubako ensonga ze batesaako.
Wabula wakati ng’olukiiko lutandiise, Buchaman atuuse ng’ali n’abakuumi be era amangu ddala alagidde olukiiko luyimirizibwe kuba balemeddwa okumutegeeza biki ebigenda okuteesebwako ng’omukulembeze eyalondebwa omukulembeze w’eggwanga okulembera ku nsonga z’omu Ghetto.
Buchaman nga awoganira waggulu atabangudde olukiiko, era abasirikale ba NEMA bamukutte ssaako n’abakuumi be, ne batwalibwa ku Poliisi y’e Katwe.
Ku lwa Poliisi, Onyango ayogeddeko naffe era agambye nti okunoonyereza kutandiise.
