Munnamawulire Isaac Katende amanyiddwa nga (Kasuku) avuddeyo ku nsonga za muwala wa Frank Gashumba, Sheilah Gashumba ne bba Ali Marcus Lwanga amanyikiddwa nga God’s Plan ku nsonga y’okulwanyisa okuvuma, okuswaza n’okusiiga enziro abantu ku mitimbagano, ekimanyiddwa nga cyber bullying.
Omwezi oguwedde Sheilah ne bba God’s Plan baatongoza Kampeyini okulwanyisa “cyber bullying” mu ggwanga kuba kiviriddeko abantu okulwala, famire zaabwe zikoseddwa ssaako n’emirimu okusanyalala.
Wabula Kasuku agamba nti mu Uganda, Sheilah y’omu ku bantu abaludde nga benyigira mu “cyber bullying” era talina lukusa ku kyogerako. Agamba nti Sheilah yavuma Robin Kisti eyali ku NTV ku nsonga z’abakozi ku TV okufuna ssente shs 50,000 buli lunnaku, ekiraga nti tagwanidde ku kyogerako “Sheilah Gashumba doesn’t have the moral authority to talk about cyber bullying because she is a bully. She recently bullied Robin Kisti“.
Kasuku agamba nti Sheilah mukwano gwe nnyo kyokka ku nsonga za ‘cyber bullying’ abyesonyiwe era tayinza kumuwagira.
