Poliisi e Nagalama ekutte omusajja ku misango gy’okutta musajja munne myaka 20 olw’obutakaanya ku ttaka ku kyalo Nagoje mu disitulikiti y’e Mukono.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, Hassan Kiwanuka yakwattiddwa ku misango gy’obutemu.
Owoyesigyire, agamba nti Kiwanuka abadde anoonyezebwa oluvanyuma lw’okutta Matia Gimmony nga 30, omwezi oguwedde Ogwomukaaga.
Gimmony yafiira mu ddwaaliro e Kawolo olw’ebiwundu ebyamutusibwako, ekyavaako abatuuze okutabuka ne balumba amaka ga Kiwanuka ne bagasanyawo.
Enkya ya leero, Poliisi y’e Nagalama ekutte Kiwanuka ku misango gy’obutemu era okunoonyereza kutandikiddewo, okumutwala mu kkooti.
Eddoboozi lya Luke
