Kyaddaki omuyimbi Spice Daina alaze nti amaliridde okuvuganya mu kisaawe ky’okuyimba wakati mu kulwanyisa Covid-19 mu ggwanga.
Spice olunnaku olwaleero afulumizza vidiyo y’oluyimba ‘Kokonya’ lwe yayimbye n’omuyimbi omutanzaniya Harmonize.
Spice agamba nti Polodyusa w’oluyimba ye Nessim ne Daddy Andre ate aba Hanscana bebaakutte vidiyo mu ggwanga erya Tanzania.
Mu vidiyo, Spice asabbalaza Harmonize bw’amukiriza okukwata ku bitundu by’omubiri eby’enjawulo, okusobola okuggyayo obulungi amakulu g’oluyimba.
Omwaka oguwedde ogwa 2019 – 2020, mu mpaka za Zzina Awards, Spice yawangula eky’omukyala eyasiinga okuyimba obulungi mu ggwanga Uganda ate n’omwaka 2020 – 2021 y’omu ku bayimbi abavuganya.
Ate Harmonize mu ggwanga erya Tanzania, y’omu ku bayimbi abakwatiridde ekisaawe ky’okuyimba era awangudde Award ez’enjawulo.
Vidiyo y’oluyimba
