Poliisi y’e Kitgum ekutte omusirikale waabwe ku misango gy’okuggya omusibe mu kaduukulu namutwala ne basinda omukwano.
Patrick Jimmy Okema, omwogezi wa Poliisi mu bitundu bya Aswa, agambye nti omusirikale akwattiddwa ye Assistant Inspector of Police, Ponsiano Okot era atwaliddwa ku kitebe kya Poliisi e Kitgum.
Poliisi egamba nti akawungeezi k’olunnaku olwa Ssande, Okot yakima omusibe omukyala mu kkomera, namutwala okusinda omukwano ng’amusuubiza, okumuyamba ku misango gye, okumutaasa ekkomera.
Ekiro kiramba, omusirikale Okot yakimalako yewuuba, omusibe omukyala yamuzaayo mu kaduukulu, olunnaku olw’eggulo ku Mmande kumakya.
Okema agamba nti omusirikale waabwe, bayinza okumutwala mu kakiiko ka Poliisi ak’empisa akangavulwe kuba omukyala omusibe yakirizza okumutwala, okunyumya akaboozi era yanyumiddwa ng’omusirikale waabwe tebayinza kumuvunaana gwakusobya ku musibe.
Eddoboozi lya Okema
