Essanyu libuutikidde bannakibiina National Unity Platform (NUP) ku kitebe kyabwe e Kamwokya, abakedde okwaniriza Bannabitone, abeegasse ku kibiina kyabwe.
Abegasse ku kibiina kuliko abayimbi Aziz Azion, Young Mulo, Victor Kamenyo, Kazibwe Kapo, Ziggy Dee, Gerald Kiweewa, ne bannakatemba nga bakulembeddwamu MC Kapale.
Kaadi zibakwasiddwa Pulezidenti w’ekibiina Robert Kyagulanyi Ssentamu amanyikiddwa nga Bobi Wine, ng’omuyimbi Nubian Li yabadde kalabalaba w’omukolo.
Nubian Li agamba nti kino kye kiseera bannabitone okuvaayo ku nsonga ezibanyigiriza n’okwenyigira mu byobufuzi okukyusa eggwanga kuba bakooye embeera embi.
Ate Bobi Wine agambye nti musanyufu nnyo olwa bannabitone okuvaayo okumwegattako okukyusa eggwanga.
Abayimbi abalala abali mu kibiina kya NUP kuliko Geoffrey Lutaaya, Dr. Hilderman n’abalala.
Ate olunnaku olw’eggulo, babaka ba Palamenti bataano (5) begasse ku NUP okuli Baptist Nambeshe okuva Manjiya County, Patrick Nsamba Oshabe, Kasanda North, Latif Ssebagala Sengendo, Kawempe North, David Lukyamuzi Kalwanga Busujju ne Francis Zaake okuva e Mityana Monicipality.
Eddoboozi lya Nubian Li
