Omuvubuka myaka 19 aggyeeyo empapula nga yeegwanyiza okwesimbawo ku bukulembeze bw’eggwanga mu kulonda kwa 2021.
Hillary Humphrey Kaweesa agamba nti omwaka oguwedde ogwa 2019 yatuula S ey’omukaaga (S6) Uganda Advanced Certificate of Education (UACE) ku Mengo Senior Secondary School.
Agamba nti ebigezo yafuna ‘principal passes’ 3, ekiraga nti alina ebisanyizo okwesimbawo ku bukulembeze bw’eggwanga.
Mungeri y’emu agambye nti e Mengo abadde Kansala mu kibiina nga mukulembeze mulungi, nga y’emu ku nsonga lwaki avuddeyo ng’omuzukkulu okudda mu bigere bya jjajja Yoweri Kaguta Museveni.
Kaweesa One
Mungeri y’emu agambye nti obukadde 20 obwetaagisa buli muntu yenna okwewandiisa okuvuganya ku bukulembeze bw’eggwanga, alina esuubi nti bannayuganda bagenda kumusondera.
Ku myaka 19, ebimu kwebyo byasuubira okuteeka mu Manifesito, bannayuganda okumulonda mwe muli okuleeta enkyukakyuka mu bukulembeze bwa Uganda.
Kaweesa Two
Abantu abasukka 10 bebaakajjayo empapula nga begwanyiza obukulembeze bw’eggwanga omuli ne Pulezidenti w’ekibiina ki NUP Robert Kyagulanyi Ssentamu (Bobi Wine).
