Poliisi ekakanya obujagalalo ku UNRA Weigh Bridge Station e Koranorya mu kibuga kye Mbarara esse omuntu omu n’okulumya omulala.

Attiddwa ye Ivan Bimanyirwoha Saturday okuva mu disitulikiti y’e Rukungiri n’okulumya Simon Katuramu abadde yegwanyiza okukikirira abavubuka ebuggwanjuba bwa Uganda era abadde musomesa ku Metropolitan Yunivasite mu Kampala.

Samson Kasasira, omwogezi wa Poliisi mu bitundu bye Rwizi agambye nti Bimanyirwoha ne Katuramu babadde batambulira mu Fuso namba UBF 109D nga batwala mabaati okuva e Rukungiri okudda mu Kampala emisana ga leero ku Lwokubiri wabula bonna bakubiddwa amasasi.

Kasasira agamba nti Poliisi ekubye amasasi okubayimiriza oluvanyuma lw’okugaana okuyimirira ku lutindo lwa Weigh (Weigh bridge).

Agamba nti abasirikale basoose kukuba mipiira, oluvanyuma ne bakuba mu bbanga wabula amasasi mu butanwa gakutte  Katuramu mu kifuba ne Bimanyirwoha ku mutwe.

Kasasira agamba nti Poliisi esindikiddwa okukwata abasirikale bonna abenyigidde mu kikolwa ekyo ku misango gy’okutta omuntu.