Poliisi ekutte ssentebbe w’ekyalo Kiyaga e Bwaise mu divizoni y’e Kawempe ku misango gy’okuggyako omusirikale emmundu.
Kigambibwa mu kulonda mu zzooni y’e Kiyaga olunnaku olw’eggulo ng’abavubuka balonda abakulembeze babwe, okulonda kwayise era amangu ddala waliwo abavubuka abalumbye omusirikale Jack Rutabaleka eyabadde ku nsonga y’ebyokwerinda nga baagala okumukuba.
Poliisi egamba nti oluvanyuma, Omusirikale Rutabaleka yalumbiddwa abasajja mukaaga (6) ne bamusitula era amangu ddala ssentebbe w’ekyalo Joachim Kimera yamugyeko emmundu.
Patrick Onyango, omwogezi wa Poliisi mu Kampala n’emirirwano agambye nti Ssentebbe Joachim atwaliddwa ku Poliisi y’e Kawempe ku misango gy’okulumya omusirikale n’okubalemesa okutambuza emirimu gyabwe.
Mungeri y’emu agambye nti ssentebbe Joachim agenda kubayambako okuzuula abantu bonna 6 abalumbye omusirikale waabwe, eyabadde asindikiddwa ku mulimu.
