Ekitongole kya Poliisi kifulumiza alipoota ekivuddeko abantu okwetta bukya tuyingira 2020.

Okusinzira kw’amyuka omwogezi wa Poliisi mu ggwanga Afande Polly Namaye baakafuna emisango 275 egy’abantu okwetta okuva mu Janwali okutuusa omwezi Ogwomukaaga.

Namaye agamba nti okunoonyereza kulaga nti abantu okwetta kivudde ku bintu eby’enjawulo omuli obwavu, abantu okufiirwa emirimu, abaana obutasoma, obutabanguko maka n’ensonga endala.

Mungeri y’emu agambye nti abantu okwetta kyeyongedde mu kiseera kino eky’omuggalo.

Namaye 1

Mu kwogera kwe eri bannamawulire mu Kampala, Namaye anokoddeyo ebitundu ebisinze okuvaamu abantu okwetta.

Lwengo erina emisango 16, Nakaseke 11, Kakumiro 7, Bulambuli 6, Kamuli 5, Rukungiri 12, Agago 8, Gulu 6 n’ebitundu ebirala.

Namaye 2