Kyaddaki sipiika wa Palamenti Rebecca Alitwala Kadaga asiimye bannakibiina ki National Resistance Movement (NRM) abazzeemu okumulonda okukiika ku lukiiko lwa Central Executive Committee (CEC).
Kadaga yawangudde Minisita omubeezi ow’ebyettaka Persis Namuganza ku ky’okumyuka ssentebbe wa NRM owookubiri nga mukyala.
Okusinzira ku ssentebbe w’akakiiko k’ebyokulonda mu kibiina kya NRM, Dr Tanga Odoi, Kadaga yafunye obululu 6,776 ate Namuganza 3,882.
Wabula Kadaga asobodde okweyambisa omukutu ogwa ‘Twitter’, okwebaza bannakibiina kya NRM mu ggwanga lyonna olw’okumunoonyeza akalulu n’okumulonda wakati mu kuvumwa, okuswazibwa n’okusigibwa enziro obukundi bwa Gavumenti.
Mungeri y’emu yebazizza nnyo baminisita n’ababaka ba Palamenti okudda ku ludda lwe wakati mu kutisibwatisibwa Nampala wa Gavumenti mu Palamenti Ruth Nankabirwa, “Am exceedingly grateful to the NRM members countrywide who campaigned and voted for me despite harassment and blackmail by state agencies. Am particularly proud of the ministers and members of parliament who stood by me amidst threats by Ruth Nankabirwa“.
