Minisita Omubeezi ow’ensonga z’abakozi Mwesigwa Rukutana kyaddaki omulamuzi akirizza okusaba kwe era ayimbuddwa enkya ya leero.
Minisita Rukutana abadde ku limanda mu kkomera e Kitalya okuva sabiti ewedde nga 7 omwezi guno Ogwomwenda ku misango 7 omuli okugezaako okutta omuntu, okwonoona ebintu, okukuma mu bantu omuliro ssaako okulumya abantu, mu kiseera kya kamyufu ka NRM e Rushenyi mu disitulikiti y’e Ntungamo.
Enkya ya leero, omulamuzi wa kkooti e Ntungamo amukkirizza okweyimirirwa, ku bukadde 4 ez’obuliwo ate abamweyimiridde okuli eyaliko Minisita w’ebyamawulire Jim Muhwezi, Omusuubuzi Bob Kabonero n’omubaka we Igara West Michael Mawanda, basabiddwa ssente obukadde 50 buli omu, nga si zabuliwo.
Okusinzira ku munnamateeka Owen Murangira, Minisita Rukutana era asabiddwa okuwa kkooti Paasipoota ye.
