Omuyimbi Desire Luzinda y’omu ku bannayuganda abakungubagidde eyaliko meeya w’ekibuga Kampala Al Hajji Nasser Ntege Ssebagala eyafudde olunnaku olw’eggulo ku Lwomukaaga ku myaka 72 oluvanyuma lw’omutima okwesiba.
Seeya Ssebagala yafiiridde mu ddwaaliro lya IHK e Namuwongo, Kampala era essaawa yonna, Famire egenda kufulumya entekateeka z’okuziika.
Kati no, Desire asobodde okweyambisa omukutu ogwa Instagram okungubagira omugenzi era agambye nti wadde afudde, wakujjukirwa nnyo mu byafaayo, kwe kusaba Omutonzi amuwumuze mirembe, “You will forever be remembered …RIP Seya“.
Desire abadde mukwano gwa mugenzi era y’emu ku nsonga lwaki y’omu ku bakyala abayimbi abavuddeyo okungubaga.
