Poliisi efulumizza alipoota ku kyavuddeko omusajja okuttibwa ku kyalo Wampewo e Kasangati mu disitulikiti y’e Wakiso, akawungeezi k’olunnaku olw’eggulo ku Ssande.
Omusajja atamanyikiddwa, yasangiddwa ng’ali mu kwerigomba ne muk’omusajja Nassozi Noeline, nga yenna akanudde amaaso.
Ssemaka Charles Nkuubi ali mu gy’obukulu 50, olwayingidde mu nnyumba, amaaso gaatukidde ku mukyala we, nga yenna yegabudde.
Amangu ddala yakutte ekiti, nakikuba omusajja ali mu gy’obukulu 20 eyabadde azannyira mu sowani ye era nafiirawo nga n’omukyala yadduse.
Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, omukyala Nassozi aliira ku nsiko mu kiseera kino era anoonyezebwa, okutegeeza Poliisi omusiguze gye yamuggye era omulambo gukyali mu ggwanika ly’eddwaaliro ekkulu e Mulago.
Eddoboozi lya Luke
