Oluvanyuma lw’okuddamu okusunsula, ekibiina kya National Unity Platform (NUP) kifulumizza olukalala lw’abantu abafunye kaadi y’ekibiina ku ky’omubaka wa Palamenti mu kulonda kwa 2021 mu bitundu 19 ebyali bisigalidde mu bitundu bya Buganda.
Akakiiko akasooka, akaabadde kakulemberwa Mercy Walukamba, akulira akakiiko k’ebyekulonda mu kibiina kya NUP, baalemeddwa, okulonda omuntu ku bifo, ebikyaliko embiranye omuli eky’omubaka we Makindye West, Kawempe North, Kawempe South, Bukoto South, Lubaga North, Bukoto Mid-west, Bukoto West, Bukoto South ssaako n’ebitundu ebirala.
Enkya ya leero, NUP efulumizza amannya g’abantu abaweereddwa kaadi ku bwa MP.
Okusinzira ku lisiti efulumiziddwa, Abubakar Kawalya awangudde Kasibante Moses e Rubuga North, Allan Ssewanyuna awangudde Hajji Ntege Faruq e Makindye West.
Serukenya David e Makindye Ssabagabo awangudde Emmanuel Ssempala Kigozi Ssajjalyabeene, Muhammed Ssegirinya awangudde Sulaiman Kidandala e Kawempe North ate Munnamawulire Kazibwe Bashir awangudde Roy Ssemboga e Kawempe South.
Bukoto West, Kamanzi Francis yawangudde, Bukoto South mu bitundu bye Lwengo Kamanzi Twaha Muzeeyi, ate eky’omubaka omukyala owe Masaka Nakiyemba Harriet, Buwekula North Baleke Kayiira Peter n’abalala.
