Kyaddaki Poliisi ekutte omusajja ku misango gy’okutta muganzi we Gabeya Norah myaka 22 abadde omutuuze ku kyalo Kyaliwajala B mu Monicipaali y’e Kira era abadde asemberedde okuzaala.

Gabeya yattiddwa kabiite we Kabazi Gerald abadde yeeyita amaanya ag’enjawulo omuli Sentongo Reagan, Sekyanzi, My Phone ali mu gy’obukulu 25 ng’abadde mutuuze ku kyalo kye kimu.

Omulambo gwasangiddwa mu Botiiki ebadde ekola nga amaka gaabwe e Kyaliwajala era amangu ddala Poliisi yakutte omulambo mu ggwanika ly’eddwaaliro ekkulu e Mulago.

Kabazi, oluvanyuma lw’okutta muganzi we, abadde aliira ku nsiko okuva akawungeezi k’olunnaku olwa Ssande wabula Poliisi emukwatidde Kamwokya, mu kiro ekikeseza olunnaku olwaleero ku Lwokubiri.

Okusinzira kw’amyuka omwogezi wa Poliisi mu Kampala n’emirirwano Luke Owoyesigyire, Kabazi ali ku misango gya kutta muntu era akwattiddwa oluvanyuma lw’okuyingira mu nnyumba y’omu ku batuuze mu bitundu bye Kamwokya.

Agamba nti wadde Kabazi yakubiddwa abatuuze emiggo, Poliisi esobodde okumutaasa era akwattiddwa okunyonyola lwaki yasse muganzi we.

Eddoboozi lya Luke