Entiisa ebuutikidde abatuuze ku kyalo Butebi Cell mu disitulikiti y’e Mityana, omutuuze bw’asangiddwa ng’afiiridde mu nimiro ya neyiba we.
Omukyala Nagawa Zaverina Prossy ali mu gy’obukulu 65, omulambo gwe gusangiddwako enkwagulo ku ffeesi n’emikono era kiteeberezebwa attiddwa olw’okusangibwa nga yenyigidde mu kubba ennyanya.
Omulambo gwa Nagawa wegusangiddwa, wasangiddwawo ekitereke kye nnyanya okumpi n’ekifuba, ekitabudde abatuuze nga kiraga nti abadde yenyigidde mu kubba.
Mutabani w’omugenzi, Kyabasinga Yuda Tadeo, asigadde asobeddwa ku nfa ya nnyina, kwe kusaba Poliisi okunoonyereza okuzuula ekituufu.
Mutabani w’omugenzi

Ate omwogezi wa Poliisi mu bitundu bya Wamala Racheal Kawala, agambye nti Poliisi ekutte omusajja Emmanuel Nduhuru, omukozi mu nimiro omusangiddwa omulambo, abayambeko mu kunoonyereza.
Kawala agamba nti Nduhuru ali ku misango gy’akutta muntu.
Kawala

SK OMUZINNYI