Akakiiko k’ebyokulonda kafundikidde olunnaku olusooka mu kusunsula, abegwanyiza okukiika mu Palamenti mu kulonda okubindabinda okwa 2021.
Okusunsula, kwakomekerezebwa olunnaku olw’enkya ku Lwokutaano, nga mu Kampala, webuzibidde ng’abakyala 6 basunsuddwa okuvuganya ku ky’omubaka omukyala owa Kampala.
Abasunsuddwa kuliko munnakibiina kya FDC Stella Nyanzi, NRM Faridah Nambi Kigongo, NUP munnamateeka Shamim Malende.
Abalala kuliko munnakibiina kya Alliance for National Transformation Aisha Nabasirye, owa JEEMA Mubiru fatumah ssaako Evelyn Kasiri Kent eyeesimbyewo nga Yindipendenti.
Bonna 6 ensonga z’okuyimusa eddoboozi ly’omukyala, okulongoosa ekibuga, enguudo, obutale zebasinze okuteeka ku mwanjo.
Shamim Malende
Okusinzira ku Fredrick Muwaya, akulira eby’okulonda mu Kampala, yabadde asuubira abakyala 7, leero afunyeko abakyala 6, olunnaku olw’enkya ku Lwotaano asuubira omukyala ow’omusanvu (7).
Omukyala Nabilah Naggayi Ssempala, yabadde akikirira Kampala ku ky’omubaka omukyala wabula 2021 agenda kwesimbawo ku bwa Loodi Meeya bwa Kampala.
