Munna NRM ate munnamaggye abadde amyuka omwogezi wa Gavumenti Col. Shaban Bantariza afudde enkya ya leero mu ddwaaliro ekkulu e Mulago ku ssaawa nga 8 ez’ekiro.
Okusinzira ku Minisita omubeezi ow’ebyempuliziganya Peter Ogwang, Col Bantariza abadde alina Puleesa, “It’s a sad morning having been informed by the family about the death of Col Shaban Bantariza, He has been having low blood pressure“.
Col Bantariza yakulembeere ettendekero lya Kyankwazi okuva mu 2007-2009 wabula mu mwaka gwa 2011 Omukulembeze w’eggwanga Yoweri Kaguta Museveni n’amuwummuza.
Col Bantariza yazaalibwa mu 1963 mu disitulikiti y’e Mitooma era afiiridde ku myaka 57.
Yaliko omwezi w’amaggye okuva 2000 okutuusa 2006.
Mu gwomukaaga 2013, yalondebwa okumyuka omwogezi wa Gavumenti ate nga 28, September, 2015 mu butongole yawumula amaggye.
Gyebuvuddeko Bantariza yawumula eky’obwogezi wa Gavumenti okuvuganya ku bwa ssentebbe wa NRM ebugwanjuba kyokka oluvanyuma yava mu lwokaano.
Lindirira ebisingawo……….
