Kyaddaki ssentebbe w’ekibiina kya NRM Yoweri Kaguta Museveni awandiisiddwa okuddamu okuvuganya ku bukulembeze bw’eggwanga lino mu kulonda kwa 2021.

Museveni yasoose okuwandiisibwa akakiiko k’ebyokulonda, nga ku kisaawe kya Yunivasite e Kyambogo awerekeddwako mukyala we era Minisita w’ebyenjigiriza Janet Kataaha Museveni, omumyuka we Edward Kiwanuka Ssekandi, Ssaabawandiisi w’ekibiina ki NRM Justine Lumumba Kasule, Ssabaminisita Dr. Ruhakana Rugunda n’abalala.

Museveni oluwandiisiddwa, ayogeddeko eri bannamawulire kwe kulabula bannayuganda okuggya omuzannyo mu kulwanyisa Covid-19.

Museveni agambye nti Covid-19 akyaliwo, abantu beyongedde okufa era abantu bonna, balina okuggyawo omuzannyo.

Essaawa yonna okuva kati, Museveni agenda kutongoza manifesito ye e Munyonyo, okulaga bannayuganda basuubira okola singa addamu okulondebwa mu 2021.