Ebyokwerinda binywezeddwa ku kitebe ky’akakiiko k’ebyokulonda Jinja Road mu Kampala okutangira omuntu yenna ayinza okwenyigira mu kukola effujjo wakati mu kulinda abamu ku besimbyewo ku bukulembeze bw’eggwanga.
Ssentebbe w’akakiiko Omulamuzi Simon Byabakama yayise Pulezidenti w’ekibiina ki NUP Robert Kyagulanyi Ssentamu (Bobi Wine) ne Pulezidenti wa FDC Patrick Amuriat okweyanjula mu kakiiko ku by’okumenya ebiragiro by’okulwanyisa Covid-19.

Amuriat, Bobi Wine ne Byabakama
Amuriat, Bobi Wine ne Byabakama

Wabula mu kiseera kino Poliisi n’amaggye bayiriddwa mu bungi ku nguudo zonna ezituuka ku kitebe ky’akakiiko okwongera okunyweza ebyokwerinda.