Kyaddaki ekitongole kya Poliisi kivuddeyo ku bigambibwa nti Pulezidenti w’ekibiina ki NUP Robert Kyagulanyi Ssentamu (Bobi Wine) akwattiddwa mu disitulikiti y’e Kalangala.
Poliisi n’amaggye gazinzeeko Bobi Wine ne ttiimu ye nga bakatuuka e Kalangala era abamu ku bawagizi be bakwattiddwa, omukuumi we Edward Sebuufu kyokka oluvanyuma naye akwattiddwa.
Wabula Poliisi efulumizza ekiwandiiko era esambaze ebyogerwa nti Bobi Wine akwattiddwa.
Mu kiwandiiko ekiteekeddwa ku mukutu ogwa Face Book, Poliisi egambye nti olw’okuteeka mu nkola ebiragiro bya Minisitule y’ebyobulamu n’akakiiko k’ebyokulonda eby’okutangira Covid-19 okusasaana, Poliisi ebadde erina okulemesa Bobi Wine okukuba laale.
Poliisi egamba Bobi Wine agiddwa e Kalangala okumuzaayo mu makaage e Magere, Kampala okusobola okumulemesa okukuba enkungana.
Mungeri y’mu Poliisi egamba nti waliwo abantu abakwattiddwa nga bagezaako okutabangula ebyokwerinda.
