Munnakibiina kya NUP Fred Nyanzi adduukidde mu kkooti y’e Mengo okusaba omulamuzi okulagira baddemu okubala obululu mu Kampala Central.
Kampala Central yawanguddwa Muhammad Nsereko abadde mu ntebe nga yindipendenti nga yafunye obululu 16,998 ate Nyanzi yakutte kyakubiri n’obululu 15,975 nga yasingiddwa obululu 1,023.
Abalala okuli munna NRM Babu Cedric 10,746 ate munnakibiina kya FDC Harold Kaija 1,679.
Mu kkooti, Nyanzi agamba nti vvulugu yalabikidde mu kubala obululu nga yakulembeddwamu akakiiko k’ebyokulonda ssaako ne bagenti ba Nsereko ssaako n’okukyusa ebivudde mu kulonda.
Munnamateeka we George Musisi agamba nti betaaga okubala obululu kudibwemu mu bifo ebisukka 50 omuli National Theatre, Basajjabala Taxi Park, Seroma Parking Yard, Balikudembe Primary School, KCC Primary School polling station nebitundu ebirala.
