Munnamaggye Capt Caroline Busingye afiiridde mu kabenje k’ennyonyi emisana ga leero ku ssaawa nga 8, akagudde okumpi ne Beach ya Lido e Ntebe.
Ennyonyi ya UPDF ekika kya Jet Ranger egudde bw’ebadde yakayimuka era okusinzira ku mwogezi w’ekitongole ky’amaggye Brig Gen Flavia Byekwaso ennyonyi ebaddemu abantu 2 abali mu kutendekebwa.
Wadde abagibaddemu batwaliddwa mu ddwaaliro okusobola okutaasa obulamu, Capt Busingye tasimatuse era kati z’embuyaga ezikunta.
Brig Gen Byekwaso agamba nti okunoonyereza ku kivuddeko akabenje, kutandikiddewo.
Download the Galaxy FM 100.2 App and listen to the radio while on the move.