Abantu 3 bafiiridde mu kabenje k’emmotoka ku luguudo oluva e Mityana okudda e Mubende ate 14 baduusiddwa mu ddwaaliro nga bali mu mbeera mbi.

Akabenje kabadde ku kyalo Kigalama mu disitulikiti y’e Kassanda.

Okusinzira ku Poliisi, Takisi namba UBB 423R ebadde eva e Kampala okudda e Mubende eyingiridde Tuleela namba KBK 813S/ ZB9681 ebadde yafudde ng’epakinze ebbali w’ekkubo.

Rachael Kawala, omwogezi wa Poliisi mu bitundu bye Wamala agamba nti abafiiriddewo kuliko ddereeva wa Takisi Fred Abomugisha myaka 45, Andrew Serugendo abadde omutuuze ku kyalo Ndejje mu disitulikiti y’e Wakiso ne Fred Tumushabe myaka 40.

Ate abafunye ebisago ebyamaanyi 14 omuli okumenyeka amaggulu, embiriizi, emikono, batwaliddwa mu ddwaaliro ekkulu e Mityana nga bali mu mbeera mbi.

Poliisi egamba nti okuvugisa ekimama, kiteeberezebwa nti y’emu ku nsonga evuddeko akabenje.