Ebitongole ebikuuma ddembe omuli Poliisi, SFC, CMI mu bitundu bya Savannah omusangibwa Luwero, Nakasongola ne Nakaseke bikutte abantu 10 ku misango gy’okubba n’okutta abatuuze nga beyambisa emmundu.
Okusinzira ku mwogezi wa Poliisi mun ggwanga Fred Enanga, abakwate kuliko Kisule Stephen ne Mawejje Samuel nga basangiddwa Bombo nga bekwese.
Abalala kuliko Miga Shaban, 22 nga mutuuze we Nkonkojeru, Olega Mansur myaka 35, Mwanje Rogers myaka 24 ng’avuga bodaboda nga mutuuze we Buvuma, Iga Rashid, Kiwanuka Fred; Lutale Hellen, Nakiranda Shakira ssaako ne Ngozi Robina mukyala wa Kisule Stephen.
Mu kwekebejja amaka gaabwe, wazuuliddwa emmundu ekika kya Pisito, Magazini 2 ssaako n’amasasi 17 ebyabibwa ku munnamaggye kati omugenzi Major Noel Mwesigye.
Mungeri y’emu basaangiddwa n’amasimu 17, Pikipiki ekika kya Bajaj Boxer namba UEV 185W nga myufu.
Enanga agamba nti wadde 10 bakwattiddwa, okunoonyereza kukyagenda mu maaso.
