Musajja wa Bobi Wine, omubaka Nsubuga Paul akwattiddwa ku by’okubba essimu
Ekitebe kya Poliisi mu Kampala ekya Kampala Central Police Station (CPS) kikute Paul Nsubuga omubaka omulonde ow’e Busiro North ku misango gy’okubba essimu ekika kya itel 5625 eya siriva’ ku ngulu ng’ebalirwamu ssente 80,000.
Essimu gye yatwala yaliko ssente za Mobile Money obukadde 4,500,000/= (Shs4.5million).
Poliisi egamba nti omusango gwalopeddwa Gloria Namengo omusuubuzi era omutuuze we Kawempe mu Kampala.
Okusinzira ku Namengo, nga 3, June, 2019 ku ssaawa 7 ez’emisana ku Inseria properties e Nakasero mu maaso ga Shoprite ku luguudo lwe Ntebbe, Nsubuga yaba essimu eyali yeyambisibwa mu mirimu gya Mobile Money.
Namengo agamba nti mu dduuka mwalimu kamera ya CCTV era gyasobola okweyambisa okulaba omubbi Paul Nsubuga.
Nsubuga yakwattiddwa Poliisi akawungeezi k’olunnaku olw’eggulo ku Lwomukaaga okuva ku Serena Hotel Kampala era yatwaliddwa ku Poliisi ya CPS ku misango gy’obubbi.
Okusinzira kw’amyuka omwogezi wa Poliisi mu Kampala n’emirirwano Asp Luke Owoyesigyire, Nsubuga wadde akwattiddwa ku misango gy’obubbi, okunoonyereza kukyagenda mu maaso.
Kigambibwa Nsubuga y’omu ku babbi abaludde nga batigomya abantu mu Kampala nga mu kiseera kino Poliisi efunye alipoota okuva ku bantu ab’enjawulo nga balumiriza Nsubuga okutwala amassimu gabwe aga Mobile Money.
Fayiro ya Nsubuga yakusindikibwa eri omuwaabi wa Gavumenti okuwabula Poliisi.
Luke
Mungeri y’emu Poliisi ekutte abasajja babiri (2) ku misango gy’okusangibwa ne mmundu ekika kya Pisito n’ebyembalo by’ebitongole ebikuuma ddembe mu ngeri emenya amateeka.
Abakwate kuliko Allan Tandeka Kanyesigye ne John Osinde nga bagiddwa ku kyalo Buzzi Cell mu Tawuni Kanso y’e Kajjansi.
Luke Owoyesigyire, amyuka omwogezi wa Poliisi mu Kampala n’emirirwano abakwate basangiddwa n’amasasi 10 era mu ngeri emenya amateeka.
Kanyesigye mutuuze ku kyalo Buzzi Cell ate Omala mutuuze ku luguudo lwe Garuga.
Mu sitetimenti ya Poliisi, Kanyesigye agamba nti Omala yeyamuwadde emmundu wabula Poliisi egamba nti okunoonyereza kutandikiddewo.
Owoyesigyire mu ngeri y’emu asiimye abatuuze okuyamba okuwa Poliisi amawulire ku Omala ne Kanyesigye okuba n’emmundu era kigambibwa Kanyesige yaliko mu kitongole ekikuumi kyokka yagobebwa oluvanyuma lw’okudduka mu kitongole era abadde yakava mu kkomera e Luzira ku kibonerezo kya myaka 2.
Bya Nalule Aminah
