Abatuuze b’e Kamwokya mu Kibinika bawanjagidde Gavumenti okubaduukirira okwegatta mu kulwanyisa ebiku, ebyeyongedde mu kitundu kyabwe.
Abatuuze bagamba nti ebiku, byongedde okulwaza abaana, okunuuna omusaayi era bangi ku banaabwe basenguse.
Mungeri y’emu abakyala bagamba nti ebiku, byongedde okubalemesa okuzaala, ng’abasajja tebakyasobola kusinda bulungi mukwano, olw’ebiku n’okubalemesa okwesa empiki.
Abakyala era bagamba nti ebiku, byongedde okubaswaza nga bitambulira mu nviri zaabwe, byekweka mu bitundu by’ekyama, obuleega ne mu ngoye, ekyongedde okusindikiriza abasajja abalina okubazaalamu.
Abatuuze bagamba nti newankubadde KCCA ssaako n’amaggye, bayambako mu kufuyira ebiku, byagaana okufa ne byeyongera obukambwe.
